Bitcoin怎麼買？3個購買加密貨幣方法優缺比較！

「加密貨幣」相信都係2021年其中一個最熱門嘅話題。身邊總有一兩個朋友係已經落咗場做緊trade㗎喇！想當年我係灣仔嘅樓上舖買第一粒bitcoin，嗰陣啲舖頭仲未有service，要直接俾現金同預先開定錢包地址，24小時之內交易先會完成。所以，成件事係好無效率㗎。但無辦法，當年好少渠道可以買到bitcoin，大部分人都自己掘。 而家市面上有林林種種買幣途徑。咁今日我地一一同你拆解各種買加密貨幣嘅好與弊。

買加密貨幣方法一： Online+offline 本地公司

ATM VS 地鋪

首先是線上或線下的本地公司 ，好似一啲ATM，或地舖。

ATM很方便！全香港一定超過100部，總有一個部在左近，而如果係一部可以做齊買賣動作的雙向ATM機，就更方便了，假設你需要現金周轉，而你有擁有虛擬貨幣， 你係可以直接透過它將幣套現成現金。

門市除了方便之外，就是保證安全。因為門市有真人接待你，確保你做買賣時唔會出錯；非常之幫助到一些對crypto零認識的新手。

但係地鋪同ATM機都有相同既壞處：就係個mark-up會比較高，售價會比較貴，而買你crypto既價，亦相對低。因為佢地有實體鋪或者機，要交租，請員工等，好自然要mark up高少少去賺返個價。至於服務是平定貴，相信每個人的看法也不相同，而我呢類有多點經驗的用家，就比較少用呢個途徑去買賣crytpo了。

- Advertisement -

買 加密貨幣方法二：大型的Online OTC platform: localbitcoin，paxful

OTC全稱係Off-The-Counter，場外交易，指所有在交易所以外進行買賣的市場。場外交易並沒有固定的、集中的交易場所。市面上嘅 online OTC platform其實都係大同小異

首先 ， 你可以input你自己既wallet address，即是可以要求對方轉幣去你指定既wallet address，所以你擁有嘅幣係不一定需要放係交易所。

另外，呢種做法係比地鋪或者ATM機既價格係更加好既，情況就好似HKTV mall同有地鋪既超市一樣，通常，都係網上超市會比較平既係咪？

但對比起門市，因為無人接待的關係，所以一d基本操作，如創建一個錢包地址啦，同人交易時是否提供 了合適的地址等等不同的操作，特別係第一次做買賣時，好多新手會遇虛困難及感到擔心。

買 加密貨幣方法三：加密貸幣交易所

Crypto exchange P2P/ crypto exchange credit/debit card ：Binance, FTX, Crypto.com

最後就是交易所，如Binance, FTX, Crypto.com。你選擇好嘅交易所度註冊一個帳號，咁之後就可以用credit/debit card,又或者係p2p去買；收到嘅token都會存放係內置的電子錢包。 

好多人會擔心，用exchange p2p買會唔會唔安全，咁就十分視乎交易所的保安系統是否完善了。 

大型交易所，例如幣安，佢地嘅p2p 交易係有內置嘅監管。 需要喺雙方滿意以及確認後，交易先會完成。如果俾咗錢後收不到幣，幣安會暫時凍結對方等值的幣，直至佢地調查完畢，所以係無得走咗去的。如果用credit card或debit card就更加唔會出現呢個情況。

優點當然係夠快同方便，同埋夠平既。而且被走數，即係比左錢但唔轉幣比你呢個情況係好少見。加上如果想買其他幣，可以即時係交易所既spot trading即時做買賣既動作，唔洗再係其他wallet移入去，減少左一次轉帳既gas fee。

而缺點是喺電子錢包入面嘅coin/token,並唔係直接由你擁有，如果交易所倒閉或者創辦人走佬的話，咁入面嘅嘢，就會無哂了。所以一間可信又可靠嘅交易所十分重要。

總結來說，我最推薦的方法是 Binance P2P/ Crypto.com/FTX credit/debit card ，

因為用Exchange P2P/ Credit Card買USDT，再係交易所買賣BTC, 咁USDT就不用經常轉移，慳返d Gas Fee。

無錯，交易所有倒閉既風險，但係新手買幣，我估計都唔會買太多，最多都係一萬幾千USDT，如果要大額買，就需要物色一個相熟的OTC平台，最好係有埋crypto friendly既bank account，Silvergate, Signature, SEBA。

最不推薦當然是和不認識的人做Cash Deal OTC，因為十分危險，我地經常經到買賣虛擬貨幣然後比人搶左或者扑頭嘅新聞，其實就係呢一類交易。

以上內容由「幣學堂」提供

筆者： 幣學堂

筆者介紹： 由Alfred創立，團隊成員有不同加密貨幣經驗。從NFT、交易所、DeFi、GameFi、加密貨幣交易及加密貨幣教育課程。2021年在YouTube開設「幣學堂」分享對幣市的看法。

想了解更多加密貨幣最新消息，不妨加入「炒幣101教室」，分享抄幣心得及解答加密貨幣問題！

相關文章：

【美股比特幣ETF】10隻投資加密貨幣、Bitcoin相關ETF基金介紹

Bitcoin比特幣是什麼？香港點買？一文了解挖礦原理、與傳統貨幣分別及風險

常見問題：